Варварские тексты: Парфений Уродливый. Канон и молитва Ангелу Грозному воеводе

Канон Ангелу Грозному воеводе

л. 4
Канун ангелу грозному, и воеводе, и хранителю всех человек, от Вседержителя бога посланному по вся душа человеческая. Ты же, человече, не забывай часа смертного: пой по вся дни канун сей творение 'Уродиваго Парфения.
По утреннем пении глаголи: Молитвами святых отец наших Господи Исусе Христе, сыне божий, помилуй нас. Аминь", "Царю Небесный", "Трисвятое" и по "Отче наш" — "Господи помилуй" 12, "Слава", "И ныне", "Приидите поклонимся 3, та же псалом 50, "Помилуй мя боже", та же канун глас 6, песнь 1, ирмос "Яко по суху. Запев: "Святый ангеле, грозный воевода, моли бога о нас". //

л.4 об.
Прежде страшнаго и грознаго твоего ангеле, пришествия умоли о мне грешнем о рабе твоем имрек. Возвести ми конец мой, да покаюся дел своих злых, да отрину от себе бремя греховное. Далече ми с тобою путешествати. Страшный и грозный ангеле, не устраши мене маломощнаго. Дай ми, ангеле,
смиренное свое пришествие и красное хождение,и велми ся тебе возрадую. Наной мя, ангеле, чашею спасения.
Святый ангеле, да мя напоиши чашею спасения и весело теку во след твоему ; хождению и молюся — не остави мене сира.
Рождьшия ти царя вышним силам, пресвятая царица, ты бо еси милостива, може //

л. 5
ши бо облехчити мое бремя греховное, тяшкое.
Песнь 3, ирмос "Несте свята, яко же ты, Господи боже".
Святый ангеле Христов, грозный воевода, помилуй мя грешного раба своего имрек. Егда приидет время твоего прихода, святый ангеле, по мене грешнаго имрек разлучить мою душу от убогаго ми телеси, вниди с тихостию, да с радостию усрящу тя честно.
Молю ти ся, святый ангеле, яви ми свой светлый зрак и весело возри на мя окаяннаго, да не устрашит мене приход твой святый, да уготоваюся на сретение тебе честно.
Святый ангеле, посланиче божий, дажь ми, //

л. 5 об .
ангеле, час покаятися согрешении и отринути от себе бремя тяшкое. Далече ми тещи во след тебе.
Святый ангеле, не имам иного разве тебе заступника скора. Помилуй грешнаго раба своего имрек и приведи душу мою ко владычицы. Та бо есть милостива отпущати грешным согрешения.
Песнь 4, ирмос — "Христос мне".
Молю ти ся, страшный и грозный посланниче вышняго царя, воевода, — весело возриши на мя окаяннаго, да не ужаснуся твоего зрака и весело с тобою путешествую.
Плчася и вопию, воевода небесного царя. Грозно вохожден //

л. 6
ние твое, да не вскоре разтлише мене грешнаго, но весело и тихо наной мене смертною чашею.
От сердца вопию ти, грозный воевода и воине царя царствующим, несть силнее тебя и крепчайши во брани и умиленна в смерти, и пряма во исправлении. Исправи душу мою на путь вечен.
Госпоже богородице, дево, рожшия царя небеснаго, мсертоноснаго часа не минухся, избави душу раба своего имрек от сети ловящих.
Песнь 5, ирмос — "Божиим".
О сродници мои, егда видите мене от вас разлучена, и зрак лица моего изменихся, и гробу предаюся, и кo Су //

л. 6 об.
дии влеком буду, — и молитеся о мне святому ангелу, да ведет душу мою в место покойно.
О друзи мои любезнии, егда видите мене от вас разлученна и земли предаема, — помолитеся о мне грешнем ко святому ангелу, да проводит душу мою вся двадесят мытарств и измет от всех погибелей.
Людие божии, благочестнии и вся племена земъстии егда видите смертоное тело на земли повержено и вонею объято — помолитеся ко ангелу смертоносному о мне, да ведет душу мою в тихое пристанище.
Пресвятая дево богородице, владычице, ты веси немощь земных человек. Вскоре разоряетца естество //

л. 7
плоти нашей. Ты, госпоже, буди нам заступница.
Песнь 6, ирмос — "Житейскаго".
От бога посланнаго страшнаго воина, царем, и князем, и архиереем, и всем людем великое изменение от суетнаго века сего в напастех пребывающих и в скорбех тружающих сущи верных .
Святый ангеле, от всех нас на земли живущих дань свою приимеши от бога повеленную ти, егда приидеши и неси в сокровище света.
Святый ангеле, грозный посланниче, и мене избави от суетного жилища сего.
О царице владычице, сирым питателница и обидимым заступнице и бедным помощница, //

л. 7 об.
болным надеяние и всем грешным оцыщение, и мне грешному имрек буди ми помощница и помилуй мя.
Кондак, глас 5.
Небеснаго царя воевода и предстатель престолу божию и творитель воли господни и совершитель заповедей его, не лишиши ся славы велелепныя и прославишися, скоро пленяеши и не замедлиши николи же. Всюду готов стоиши, и храбруеши, и зла не убоишься, ни стара отриеши ни млада отступиши. Вся имеши и ведеши в место покойно. И мене помилуй грешнаго и окаяннаго имрек, да поем ти аллилуйя. //

л. 8
Песнь 7, ирмос — "Хладодавиц"
Великий, мудрый хитрец, никто же может твоея хитрости разумети, дабы скрылся от твоея нещадости. Святый ангеле, умилися о мне грешнем и окаяннем.
Мудрый ангеле и светлый просвети ми мрачную мою душу своим светлым пришествием, да во свете теку во след тебе.
Святый ангеле, радуюся душою и трепещу рукою и показуя людем час разлучения души моей грешней от убогаго ми телеси. Святый аньгеле, помолися о мне грешнем. //

л. 8 об.
Пресвятая богородице, владычице, помилуй грешнаго в час разлучения. Святый ангеле, страшный посланниче, изми душу мою от сети ловящих.
Песнь 8, ирмос — "Ис пламени".
Царю небесному, слава нетленному и непроходимая сотворшему чины ангелския, такова страшна и грозна смертоносна ангела. Хвалите, пойте и превозносите его во веки.
Царя небеснаго слуга и предстатель престолу божию, святый ангеле, смерть принося нам измени нас добротою зда //

л. 9
ния твоего и приведи нас к свету светлейшему судии. Хвалите, пойте и превозносите его во веки.
Царю небесному, богу нашему угождаеши, славы не отпадаеши, и заповеди его не преступаеши, и волю его твориши, и в любви пребываеши. Ангела тя свята хвалим, поем и превозносим его во веки.
Царице, владычице, рожшия и вышним силам и земным бога и господа, спасителя от находящих ны бед, молися богу, да помилует ны в день судный. Господа пойте и превозносите его во веки. //

л. 9 об.
Песнь 9, ирмос — "Бога человеком".

Осквернивше душу злыми похотми и теплыми слезами не омывше и милостынею не очистивше, страшнаго посланника не поминающе, мы же тя, ангеле, по достоянию величаем.
Бога нам поведаешь, святый ангеле, и душу мою окаянную ис тела изимаеши, и плоть разтлиши и гробу предаешь, молим ти ся, святый ангеле, изми душу мою от сети ловящих, тя величаем.
От бога посланному, всех ангел пристрашен еси, святый ангеле, не устраши мою душу убогую, напол //

л. 10
н ену злосмрадия, и в очисти, и прeстави ю престолу божию непорочну. Тя величаем.
О богоматерь Пречистая вся спасаешь и милуешь, такожде помилуй мене грешнаго и злосмраднаго в час разлучения и в муку посланному. Тогда же ми помози, и огня изхити мя и от муки избави мя. Тя величаем.
Ta же "Достойно есть", яко и "Тресвятае"," и по "Отче наш" тропарь глас 5.
Небесных сил избраннаго воеводу, от бога посланнаго мудраго оружника и грознаго полченина и победи //

л. 10 об.
теля вражиимь силам, святого ангела поюще, хвалим. Смертию нас назирает, и от суеты мира избавляет, и на суд праведни ко Христу представляет, и от вечных мук избавляет.
"Слава", "И ныне".
Упование наше, богородице, крепкая помошнице скорбящим, и от смерти изимаеши и от муки избавляеши, комуждо по достоянию благодати даешь.
Та же, и отпуст. "Чеснейшу херувим", "Слава", "И ныне", "Господи помилуй" 2, "Господи благослови".
Конец всем благим. Слава свершителю богу. Аминь.

(ИРЛИ, Карельское собр., № 2, л. 4 — 10 об.).

Реклама:


Молитва
к господу нашему Исусу Христу,
ко святому архаггелу Михайлу

Господи Исусе Христе сыне Божий, великий царю безначалный и невидимый и несозданный, седяй на престоле со Отцемъ и со Святым Духом, приемля славу от небесных сил, посли apxaггела своего Михайла на помощь рабу своему имрек, изъяти мя из руки враг моих. О великий Михайле архаггеле, демоном прогонителю! Господи Исусе Христе, излей миро, яко благ и человеколюбец, на раба твоего имрек, и запретивсем врагом, борющимся со мною. Сотвори их яко овец, и сокруши их яко прах пред лицем ветру. О великий Михайле архаггеле, шестокрилатых первый князь и воевода небесных сил, херувим и серафим, и всех аггел. О чюдный архистратиже страшный Михайле архаггеле, хранителю неизреченных таин, егда услышиши глас раба Божия имрек, призывающаго тя на помощь, Михайле архаггеле, услыши и ускори на помощь мою и прожени от мене вся противныя нечистыя духи, силою святого твоего духа, молитвами святых апостол и святых пророк, святых святитель и святых мученик и святых пустынник, святых безмездник и святых столпник, святых мучениц и всех святых праведник, угодивших от века Христу молитвами их — соблюди раба Божия в бедах и в скорбех и в печалех, на распутиях, на реках, и в пустынях, в ратех, в царех, и в князех, в вельможах, и в людех, и во всякой власти, и от всякой притчи, и от дьявола. Господи, Исусе Христе, избави и великий Михайле архаггеле, соблюди раба Божия имрек от очию злых человек и от напрасныя смерти, и от всякого зла, молитвами Пресвятыя Владычица нашея Богородица и приснодевы Мария и святого пророка и предотечи крестителя Господня Иоанна и святого пророка Илии и святого отца нашего Николы Чюдотворца, и святых мученик Никиты и Еупатия, и всех святых Твоих молитвами, ныне и присно и во веки веком, аминь.

(БАН, 33.3.20, л. 227—231 о6.).

Реклама:

 

Вверх.

На главную страницу.